Pablo Antón Marín Estrada, autor prolíficu y perfeccionista, preséntanos baxo'l titulu de "Secretos y dos sombres" unes narraciones meticuloses, texíes con un llinguaxe precisu y equilibráu, y dotaes d'un ritmu finu y constante que, como un orbayu providencial, train a la vida de les fueyes d'esti llibru delles histories que traten de la crueldá y de la represión exercida sobre muyeres y homes que tando sentenciaos a muerte, son quién a escapar del so destín –siquiera en parte– o entréguense a ella con firme voluntá.

Baxo la solombra de los mitos artúricos, apreciaos polos asturianos nel so valir simbólicu de magar nacieran na Edá Media, Marín Estrada compón un cuadru escénicu, perfectamente equilibráu, onde lo máxico de delles situaciones y el perfil psicolóxicu de los personaxes valen pa encuadrar, con xeitu nuevu, les ambiciones humanes y la sabiduría d'un Rei Artur que yá nada tien que perder puesto que, por delicadeza, perdió la vida.

Álvaro Cunqueiro ye, de xuru, l'escritor que más influencia exerció na reciente lliteratura asturiana. La so benéfica sombra apruz equí y aende, con una cpacidá de multiplicar el milagru fecunda y inacabable. La obra que da'l titulu al llibru, «Don Hamlet, príncipe de Dinamarca», ye muncho más qu'una paráfrasis erudita y encantadora de la inmortal obra de William Shakespeare. Punxo Cunqueiro tanto nella de la so esperiencia y de la so intuición que siempre la tuvo al llau de les sos obres mayores. Equí –temblando per cada palabra, poniendo tolo que yera en cada expresión– ta lo que nos conmueve y respiga, l'enigma de la Esfinxe resolviéndose creando esi otru misteriu insondable: l'home y la so circunstancia. Les otres dos piecines (llonxe de ser trabayos menores) afonden nel amor femenín y na llocura necesaria que significa dexar de ser na vida cotidiana pa ser, elevadamente, únicu en suaños y ideales. El maestru de Mondoñedo arrástranos una vez más a esi a ríu ocultu que se llama a veces memoria, a veces lluz, siempre vida.

Clío, la musa de la historia, yera honrada nel Berlín del sieglu XVIII por una sociedá secreta qu’escribía y lleía testos apócrifos camentando que con ello teníen el poder d’alteriar el pasáu y d’orientar la humanidá pel bon camín. Asina, dende esta perspectiva, a partir de los suaños d’una escéntrica Clío, Casares retoma los motivos tradicionales del cuentu popular gallegu (pantasmes, fidalgos, santos, demonios, bruxería…) y con un estilu secu, d’eruditu local, pero enllén d’humor burllón y lirismu, trátalos como fechos históricos sacaos de cróniques y testos apócrifos que se citen como apoyu documental. Carlos Casares naciera en Xinzo de Limia en 1941 y morréu en Vigo nel 2002. Galleguista reconocíu, vinculáu al grupu históricu de la Editorial Galaxia de la que foi director, dirixó tamién la revista Grial y nos últimos años foi presidente del Consello de Cultura Gallega, alternando’l llabor de narrador y traductor col periodismu. La publicación d’esti conxuntu de relatos, amás de poner al algame de los asturianos una de les meyores obres del escritor gallegu, quier sirvir d’homenaxe póstumu a Carlos Casares, un home que dexó n’Asturies abondos amigos y munches alcordances, demostrando un cariñosu apoyu hacia’l procesu de recuperación de la llingua asturiana al ceder desinteresadamente los derechos de traducción al asturianu de «Xuguetes pa un tiempu prohibíu», la novela qu’Ediciones Trabe yá publicó en 1993.

Dividíu en cuatro partes que lleven los suxerentes títulos d'«El caminante», «Niundes», «Otra edá», y «El rosariu l'aurora», esti Ilibru ye un percorríu pela vida adulta del ser humanu, esi caminante apresáu ente los vieyos carreros del pasáu que van a niundes y la dura certeza de que nada ha ser eterno. Naide como Pablo Antón Marín Estrada pa facenos sentir el pasu del tiempu, les verdaes esenciales del ser humanu. N'Otra edá albídrense caminos nuevos que fain d'esta obra, a la vez, pieslle d'una etapa clave nel discurrir poéticu del autor y entamu de nuevos horizontes creativos. Igual nel xéneru poéticu que nel narrativu (nel que-y publicamos en 1998 el llibru de cuentos Nubes negres), Pablo Antón Marín Estrada (Sama, 1966) ye una referencia indispensable pa la lliteratura asturiana, pudiendo consideralu l'escritor más reconocíu ya influyente d'agora mesmu.

La infancia feliz que sirvía al poeta como materia lliteraria nel llibru Díes d'inocencia (númberu 2 d'esta mesma colección) topa n'Un tiempu meyor la correspondiente réplica: aquellos años teníen díes d'otramiente: «...zones escures,/ hubo sombres/ nesa fiesta/ qu'inda güei te respiguen.» Yera un riempu de vida nel que tamién se deprendía a convivir cola muerte, cola violencia, coles primeres frustraclones... Pablo Antón Marín Estrada nació en Sama Llangréu en 1966. Narrador y periodista, tien publicaos tres llibros de poemes (Blues del llaberintu, 1989; Les hores, 1990 y Díes d'inocencia, 1992). En 1997 ganó'1 premiu «Teodoro Cuesta» de poesía col llibru tituláu Otra edá.

Pablo Antón vuelve escaciplar, nos relatos que formen esti llibru, nún de los sos temes preferíos: el conflictu «que cualquier vida pueda tener cola realidá». El resultáu son estos catorce cuentos, maxistrales, espeyu de «vides sombríes» que sicasí caltienen el desllumamientu de la novedá y de la realidá escarniada de tolos díes. Pablo Antón Marín Estrada, ún de los más destacaos autores contemporanios, poeta y narrador, nació en Sama (Llangréu) en 1966. De narración publicó estos llibros: Xente d'esti mundu y del otru (1992), Esa lluz que naide nun mata (1995, Premiu «TRABE») y La ciudá encarnada (1998), Premiu «Xosefa Xovellanos». Agua que pasa (1995) ye una primer entrega del so diariu.

Pablo Antón Marín Estrada nació en Sama (Llangréu) en 1966. Ye autor de delles obres de narrativa y poesía. D’ente los sos últimos títulos publicaos destaquen los llibros de versos «Los baños de Tevere» (2003) y «Animal estrañu» (2008), la obra teatral «Cuando Artur marchó a la Isla d’Avalón» (2004) y el volume de relatos «Secretos y dos sombres» (2005).Con «La boca puerca» (Premiu de Narraciones Trabe 2007) Marín Estrada vuelve al formatu espresivu de la novela breve –qu’entamara abenayá en «Los caminos ensin fin» (2000)– pa trazar una crónica desenfadada de los años d’aprendizaxe d’un nenu nel marcu real de la Transición nun llugar de la cuenca minera. La memoria hestórica y l’al-cordanza fantasiosa del personaxe narrador mécense nel últimu trabayu del autor llangreanu tracamundiando l’orde natural de les coses dende la emoción y la irreverencia al tiempu de los díes inocentes.